اهم 10 اسئلة فى الانترفيو للطلبه والخريجين والاجابه عنها بذكاء| ما يجب عمله قبل الانترفيو

18 Apr

اهم 10 اسئلة فى الانترفيو للطلبه والخريجين والاجابه عنها بذكاء| ما يجب عمله قبل الانترفيو

- اهم 10 اسئلة فى الانترفيو والاجابه عنها بذكاء| ما يجب عمله قبل الانترفيو.  


- اولا فى شوية حاجات لازم نعملها قبل الانترفيو عشان نكون مهيأين نفسنا كويس للانترفيو.


- لازم تعرف متطلبات الوظيفة ايه وهل انت مستعد للوظيفة دية ولا لا.


- اقرا تفاصيل الوظيفة جيدا من خلال الاعلان اللى بيعملة الاتش ارعشان تعرف الوظيفة ديه مناسباك ولا لا.


- جمع شوية معلومات عن الشركة عشان نفسك اولا وثانيا ممكن يكون سؤال داخل الانترفيو.


- اللبس بتاعك يكون فورمال(للولاد والبنات).


- النظافة الشخصية لانها بتدى انطباع كويس للاتش ار.


- ثق فى نفسك وتفائل وكن مقتنعا بان الرزق بيدى الله.


- روح الانترفيو واسال على الاتش ار اللى محددلك الانترفيو (هيجيلك او يبعتلك حد من تبعه).


- ساعات فى بعض الانترفيو بيكون فية امتحان سواء اسئله بتقيس مدى قدرتك على المسئولية واحيانا بتبقى متخصصه فى المجال اللى انتا مقدم فيه.


- جاوب الاسئلة بهدوء وخلص الاسئلة فى وقت الامتحان المحدد وسلمها للاتش ار.


- استنى دورك ومتستعجلش الاتش ار لان ديه بتدى انطباع غير جيد للاتش ار.


- ادخل الانترفيو واستنى الاتش ار يوجهك هتقعد فى اى مكان.


- لما تقعد على الكرسى اقعد مرتاح متقعدش على طرف الكورسى او حاطط ايدك على وشك او متربعش ايدك او متطرقعش صوابعك او تاكل فيها او تعض فى شفايفك لان ده بيدى انطباع للاتش ار انك قلقان ومتوتر واحيانا انك شخص غير نظيف.


- حط ايدك على رجلك وجسمك يكون مفرود.


- انتظر اسئلة الاتش ار وخليك مركز فى السؤال وبص فى عين الاتش ار وخلى بالك متسرحش فى حاجه داخل اوضة الانترفيو او فى حاجة شخصية تبع الاتش ار .خليه يحس انك واثق فى نفسك.


-جاوب على قد السؤال ومتحاولش تجود واستخدم لغة جسدك بطريقة طبيعية وانت بتكلم.


- اتكلم بهدوء ومتهتهش فى الكلام ورتب افكارك متقولش حاجة مش تبع السؤال عشان متزهقش اللى قاعد قدامك .


- فى اسئلة شائعة اغلبية الاتش ار بيستخدمها هقولك اغلبها.


1- كلمنى عن نفسك؟


اتكلم عن بياناتك الشخصية (اسمك-عمرك –عنوانك-مؤهلك-حالتك الاجتماعية-عائلتك) بصورة مختصره


اتكلم عن مهاراتك الشخصية وحاول تربطها بطبيعة الوظيفة اللى انتا مقدم عليها.


قول وظيفتك السايقة وخبراتك فيها وطبيعةمسئولياتك فيها ويا سلام لو مرتبطة بشغلك الحالى بتبقى نقطة ايجابية فى صالحك.


حاول تقول هوياتك اية وازاى هى ماثره فى شخصيتك لان ده هيساعدك فى ايجاد لغة تواصل وحوار جيد بينك وبين الاتش ار بس لو معندكش هوايه متقلهاش اصلا لان لو قلت حاجه غلط بيبان عليك وبتتكشف ويكون شكلك مش كويس .


2- ما هى الكورسات اللى خدتها ومهاراتك فيها؟


اتكلم عن كل كورس انت خدته وايه اللى انتا استفدته منها بكل وضوح ويا سلام تانى لو الكورسات اللى خدتها ليها علاقة بالشغل اللى انتا مقدم عليه.


3-كلمنى عن نقط القوة والضعف اللى فيك؟


اوعى تبالغ عشان اللى بيهم الاتش ار فى النقطة ديه نقط القوة اللى ليها علاقة بالوظيفه نفسها وليس اى شىء اخر.


وكذلك بالنسبة لنقطة الضعف ميهمهوش حاجه شخصية فيك المهم متاثرش على الوظيفة اللى انتا مترشح ليها مثلا انا مش بحب اشتغل لوحدى وبحب اشتغل مع فريق عمل هذه الاجابة ستحول نقط ضعفك الى قوة


4- لو فى موقف فى شغلك عصبك هتتعامل معاه ازاى او اشرحلى موقف صعب حصلك فى وظيفتك القديمة؟


اتكلم عن موقف حصلك قبل كده فى الوظيفة السابقة واتعاملت معاه ازاى وخلى ذهنك حاضر وقول نقاط قوتك فى الموقف ده وازاى انتا حولت الموقف الصعب ده لحاجة سهلة .


5- ما هو هدفك المستقبلى؟


الهدف من هذا السؤال هو التعرف على قدرات وامكانياتك الفكرية وقدرتك على التخطيط وحاول ان تربط بين اهدافك وطموحاتك داخل الشركة وقدرتك على تنميتها وتطويرها.


6- ليه انتا عاوز الوظيفة ديه؟


اذكر المزايا والفرص التى تقدمها الشركة لك فى هذه الوظيفة مع القدرة على تطوير نفسك وايضا القدرة على تطويرهذه الوظيفة.


7- ما هو اكبر هدف حققتة؟


حاول ان تذكر موقف حصلك بالفعل وانت قدرت تكون على قدر المسئولية لازم تحضر للسؤال ده قبل الانترفيو عشان متتفاجئ. 


8- لية تركت وظيفتك السابقة؟


 حاول التركيز على مزايا وظيفتك المستقبلية فى الاجابه على هذا النوع من الاسئله مثلا انك تريد مسار وظيفى افضل وترقيات افضل فى هذه الوظيفه وتقدير القدرة على الابتكار والابدا ع وانك تريد الحصول على نوع مختلف او فرص افصل  من الخبرات فى هذه الشركة.


9- ايه هى الحاجة اللى نقصاك فى شخصيتك؟


مثلا ان اتحدث اللغة (الانجليزية- الفرنسية- الالمانية.....) بطلاقة لكى تساعدنى فى تحقيق اهدافى المستقبلية .


10- ما هو جو العمل المناسب الذى يساعدك على اداء وظيفتك بشكل افضل؟


للاجابة على هذا السوال يجب ان تجمع بعض المعلومات عن الوظيفة اللى بتقدم عليها عشان فى بعض الوظائف بتحتاج نوع من الانسجام والتفاهم مع العاملين بالشركة وانك تشتغل مع فريق عمل ونوع اخر من الوظائف اللى بتحتاج جو هادىء لكى تبدع اكثر